ཟབ་གསལ་ཀུན་དགའ་རྭ་བའི་སྒྲུབ་སྡེ།

Quick Facts

History (Dzongkha)

མགར་ས་རྫོང་ལས་ནུབ་བྱང་ཁ་ཐུག་ དུས་ཡུན་ཆུ་ཚོད་གཅིག་ལྷགཔ་ཅིག་ རྐང་ཐང་སྦེ་འགྱོ་བའི་ས་ཁར་ ཆོས་རྗེ་གཙང་པ་ རྒྱ་རས་ཀྱི་གདུང་རྒྱུད་ སེངྒེ་མཚན་ཅན་དགུའི་གྲས་ལས་ འཇམ་དབྱངས་བློ་གྲོས་སེངྒེའི་གདན་ས་ དབེན་གནས་ཟབ་གསལ་དགོན་པ་ཆགས་ཏེ་འདུག། དེ་ཡང་ དེ་བསྒང་དཔལ་ལྡན་འབྲུག་པའི་གདུང་བརྒྱུད་དེ་ འཇམ་དབྱངས་ཀུན་དགའ་སེང་གེ་གཅིག་ལུ་ཐུག་སྟེ་ གདུང་རྒྱུད་ཆད་ནི་གུ་ལྷོདཔ་ད་ གྲྭ་བུ་སློབ་ཚུ་གིས་ གསོལཝ་བཏབ་སྟེ་ ཁོ་རའི་སློབ་མ་ དགོན་རིན་ལྡིང་གི་བླམ་དཔལ་ལྡན་སེངྒེའི་སྲསམོ་ བཀྲིས་དཔལ་ལྡན་ཕུལ་ཏེ་ དེ་ལུ་གདུང་གི་ཆོ་ག་མཛད་དེ་ འཇམ་དབྱངས་བློ་གྲོས་སེངྒེ་འཁྲུངས་ཡོདཔ་སྦེ་བཤད་སྲོལ་འདུག།གཡུས་མིའི་ངག་རྒྱུན་ལས་ བླམ་ཁོ་ར་གི་གསང་ཡུམ་དེ་ ཧེ་མ་ཨ་ནེ་མོའི་སྡེ་ནང་ ཨ་ནེམོ་སྦེ་བཞུགས་བཞུགསཔ་ཨིན་པས། ནམ་ཅིག་གི་ཚེ་ ཆུ་དབོག་པར་འགྱོཝ་ད་ ཆུའི་ཨུམ་ནང་ལས་ ཤིང་འབྲས་ཨན་འབྲས་ཅིག་ཐོབ་མི་དེ་ བཟའ་བའི་ཤུལ་ལུ་ ཕོ་རྒས་དང་ཆ་མ་སྡོད་རུང་ གཟུགས་མ་བདེཝ་ཆགས་ཆིཝ་ལས་ཨ་ནི་མོའི་སྡེ་ལས་བཏོན་བཏང་སྟེ་ ས་གནས་དེ་ཁར་བྱག་ཕུག་ནང་བཞུགས་པའི་བར་ན་ འཇམ་དབྱངས་བློ་གྲོས་སེངྒེ་སྐུ་འཁྲུངས་ནུག།དེ་ལས་རིམ་པ་བཞིན་དུ་ སྐུ་བཞེངས་ཞིནམ་ལས་ བོད་ར་ལུང་ལུ་བྱོན་ཏེ་སྐུ་ཡོན་བཞེས་ ཚར་བའི་ཤུལ་ལུ་ གདན་ས་དེ་ཁར་ལོག་བྱོན་ཞིནམ་ལས་ སྒྲུབ་པའི་སྡེ་བཙུགས་ཏེ་ མཚམས་ཁང་ཡང་བརྒྱ་དང་བརྒྱད་ཡོད་རུང་ ཤུལ་ལས་ཉམས་སོངཔ་སྦེ་བཤདཔ་ཨིན་པས།

ཧེ་མ་ལྷ་ཁང་ཆུང་ཀུ་ཅིག་ཡོད་མི་དེ་ སྤྱི་ལོ་༢༠༡༥ ཚུན་ཚོད་ དགོན་ཁ་སྟོད་རྒེད་འོག་གི་མི་སེར་ཚུ་གིས་བདག་འཛིན་འབད་དེ་ བཞག་ཡོདཔ་ཨིན་པས། སྤྱི་ལོ་༢༠༡༥ ལས་སྤུངས་ཐིམ་གཞུང་གྲྭ་ཚང་གིས་ རྩིས་བཞེས་ཞིནམ་ལས་ ལྷ་ཁང་ཡང་ཉམས་གསོ་དང་རྒྱ་སྐྱེདམཛདཔ་མ་ཚད་ མཚམས་ཁང་དག་པ་ཅིག་ཡང་རྐྱབ་ཞིན་ན་ ད་རེས་ནངས་པ་སྒྲུབ་སྡེ་བཙུགས་ནུག།

ལྷོ་འབྲུག་ཆོས་འབྱུང་ནང་ལས་ཡང་ འཇམ་དབྱངས་ཀུན་དགའ་སེངྒེ་ལུ་ གདུང་འཛིན་དགོས་པའི་ཞབས་སྐུལ་ནན་གྱིས་གསོལ་བ་བཞིན། དགོན་ཡུལ་དུ་འབྲུག་སྒོམ་ཞིག་པོའི་གདུང་རྒྱུད་བླ་མ་དཔལ་ལྡན་སེངྒེར་གྲགས་པའི་སྲས་མོ་ཞིག་ གཟུངས་མ་བཞེས་ཏེ་བློ་གྲོས་སེངྒེ་འཁྲུངས། སྐུ་ཆུང་ངུ་ནས་ར་ལུང་གི་གདན་ཁྲི་བཟུང་། དགོན་ཡུལ་དུ་ཟབ་གསལ་གྱི་ཀུན་དགའ་རྭ་བ་བཏབ་ནས་ཆོས་སྡེ་བཙུགས། ཟེར་བཀོད་དེ་ཡོདཔ་ལས་འཇམ་དབྱངས་ཀུན་དགའ་སེངྒེ་གི་གདུང་སྲས་ངོ་མ་ཨིན་པས།

History

On foot towards the northwest direction from Gasa Dzong, one arrives at the Zabsel Goenpa, a retreat site of Jamyang Loday Singye, one of the nine Singye disciples of Choeje Drowai Goenpo Tsangpa Jarey (1161-1211). At one point in time, Jamyang Kuenga Singye was the last and ultimate lineage holder of the Drukpa sect. Fearing the end of lineage holder, his disciples requested him to accept a consort and one Tashi Pelden, a daughter of his disciple, Lam of Goen Rin Ding, Pelden Singye was offered. Son Jamyang Loday Singye was born.

However, the oral source says that the mother of Jamyang Loday Singye was a nun. One day she got one fruit (persimmon) while fetching water. She became pregnant after eating it without any biological father. She got de-rolled from the nunnery. She stayed in a nearby cave where his son Jamyang Loday Singye was born. At a young age, he was sent to Tibet Ralung monastery. He returned and established as many as 108 meditation centres though not all could be sustained later.

Till 2015, the temple was taken care of by the community of Goen Khatoe. Now it is being taken care of by the central monastic body. The temple is also renovated and expanded. There are also some meditation rooms constructed.

In Lho Druk Choejung, it is mentioned that Jamyang Kuenga Singye repeatedly pleaded to marry to continue his lineage. Descendant of Phajo Drukgom Zhigpo, one Lama of Goen by the name Pelden Singye had a daughter who was offered as the consort and Jamyang Loday Singye was born. The child was enthroned in Tibet Ralung as the lineage holder. He later returned and founded Zabsel Kunga Rawa and established the monastic community for meditation. Thus, there is no doubt that Jamyang Loday Singye was the son of Jamyang Kuenga Singye.

Photo Gallery