ཨ་བརྒྱ་གནས།

Quick Facts

History (Dzongkha)

ཡོངས་གྲགས་ཅན་གྱི་སྦས་ཡུལ་ ཨཱ་བརྒྱ་གནས་ དེ་ཡང་ བཤད་རྒྱུན་ལྟར་ ཡི་གུ་ ཨོྃ་ཨཱ་ཧཱུྃ་ གསུམ་ལས་ཡངས་རྩེ་ཨོྃ་སྦ་གནས་ལུ་ ཨོྃ་བརྒྱ་དང་ མོང་སྒར་ལུ་ཨཱཿབརྒྱ་ ཡང་མོང་སྒར་ཤྲཱི་ཆུའི་བྱག་གི་ལོགས་ལུ་ ཧཱུྃ་བརྒྱ་གཏེར་ལུ་སྦས་ཏེ་ཡོད་པའི་ནང་ལས་དེ་ཁར་ཨཱཿ་བརྒྱ་ཐམ་པ་གཏེར་ལུ་སྦས་ཏེ་ཡོད་པའི་གནད་ཁུངས་ལས་ ཨཱཿབརྒྱ་ཟེར་དར་ཁྱབ་སོང་ཡོདཔ་སྦེ་བཤད་སྲོལ་ཡོད་རུང་ ཨོྃ་བརྒྱ། ཨཱ་བརྒྱ། ཧཱུྃ་བརྒྱ་ཟེར་མི་འདི་ ཡང་ན་གྲངས་ཀྱི་གྱངས་ཁའི་བརྒྱ་མེན་པར་ཕྱག་རྒྱ་བཏབ་པའི་རྒྱ་བཟུམ་ཅིག་ཡང་ཨིནམ་འོང་ནི་ཨིནམ་ལས་དཔྱད་དགོ་པའི་གཞི་ཅིག་ལུ་ཡང་གྱུར་ཏེ་འདུག།

ཨཿབརྒྱ་གནས་འདི་ རྒྱ་མཚོ་ཁ་ལས་མཐོ་ཚད་མི་ཊར་ ༢༦༨༠ ཁར་ཡོདཔ་ད་ མོང་སྒར་རྫོང་ཁག་ཡ་དྷི་ལས་གསེར་གཞོང་ཚུན་ཟུར་ལམ་བདའ་སྟེ་ཀི་ལོ་མི་ཊར་༡༨ ཙམ་དང་དེ་ལས་རྐང་ཐང་སྦེ་གསེར་གཞོང་ལས་ཡ་རབ་ཚུན་དུས་ཡུན་ཆུ་ཚུན་༦ ཙམ་དང་ ཡ་རབ་ལས་ཨཱཿབརྒྱ་ཚུན་ཚོད་༥ དང་༦ ཙམ་འགོརཝ་ཨིན།

ཨཱཿབརྒྱ་གནས་ལུ་སྤྱིར་བཏང་བར་བསྐོར། ནང་བསྐོར། རྩེ་བསྐོར། ར་བསྐོར་རམ་རོང་བསྐོར་ཟེར་ཡོད་ས་ལས་ བར་བསྐོར་འདི་ཞབས་རྗེས་ཐང་ལྷ་ཁང་གི་ཤར་ཕྱོགས་ཧོངས་ལུ་དང་ ནང་བསྐོར་འདི་ལྷ་ཁང་གི་བྱང་ཁ་ཐུག་ལུ་ རྩེ་བསྐོར་འདི་ལྷ་ཁང་གི་བྱང་ཤར་མཚམས་ཁ་ཐུག་ལུ་ཡོདཔ་ད་ དེ་ཚུ་ཆ་མཉམ་གཡས་བསྐོར་སྦེ་མཇལ་ཏེ་གཡོན་ཁ་ཐུག་ལས་ལོགཔ་ཨིནམ་ད་ ཉིནམ་རེ་སྦེ་བསྡོམས་ཉིནམ་གསུམ་ཙམ་འགོརཝ་ཨིན་པས།

ར་བསྐོར་རམ་རོང་བསྐོར་འདི་ཞབས་རྗེས་ཐང་ལྷ་ཁང་ལས་ལོག་ཡ་རབ་ལུ་འགྱོ་བའི་སྐབས་ལྷོ་ཕྱོགས་ཁ་ཐུག་གི་ལམ་གི་ལམ་བདའ་སྟེ་ ཨཱ་བརྒྱའི་གནས་གཞན་ཚུ་མཇལ་ཚར་ཏེ་ལོག་པའི་ཞོར་ཁར་མཇལ་བར་བཏུབ་ཨིན་རུང་ གལ་སྲིད་ཕུ་སྙིང་ལའི་གནས་མཇལ་ཏེ་ལྷུན་རྩེ་ལས་ལོག་ནི་ཨིན་པ་ཅིན་ དམིགས་བསལ་གྱིས་མཇལ་བར་འགྱོ་དགོཔ་ཨིན་པས།

སྤྱིར་བཏང་གནས་མཇལ་ནི་གི་དུས་ཚོད་འདི་འབྲུག་ཟླ་དང་པ་དང་གཉིས་པའི་ནང་ལེགས་ཤོམ་ཨིན་རུང་ ལ་བསྡམ་མེན་པའི་སྐབས་ལུ་གནས་སྐོརཔ་ཚུ་འོང་དོ་ཡོདཔ་སྦེ་བཤདཔ་ཨིན།
ལ་བསྡམ་འདི་འབྲུག་ཟླ་བཞི་པའི་ཚེས་༡༥ ལས་ཟླཝ་བརྒྱད་པའི་ཚེས་༡༥ ཚུན་ཨིནམ་ད་ ལ་བསྡམ་འབད་དགོ་མི་འདི་ མི་གསརཔ་འདྲ་མིན་ཚུ་ གནས་བཟང་པོ་འདི་གི་ས་ཁོངས་ནང་འཛུལཝ་ད་ དུས་མིན་ཆར་ཆུ་འབབ་སྟེ་ ཤྲཱི་མུ་ཁུང་རྒེད་འོག་གི་གཡུས་སྒོའི་ལོ་ཐོག་ཚུ་མེདཔ་གཏང་ནིའི་ཉེན་ཁ་ཡོད་པའི་རྣམ་རྟོག་དང་རྒྱུ་མཚན་ལས་རྟེན་ སྔོན་དང་ཕུ་ལས་རང་ལ་བསྡམ་འབད་སྲོལ་ཡོདཔ་སྦེ་བཤདཔ་ཨིན་པས།

ཨཿབརྒྱ་ལུ་བྱིན་རླབས་དང་ལྡན་པའི་ས་འགྲོ་བ་འདྲེན་པ་ ད་རེས་ཚེ་འདྲིལ་བསྣས་ས་ཟེར་མི་དང་ རྩྭ་འགྲོ་བ་འདྲེན་པ། ཆུ་འགྲོ་བ་འདྲེན་པ་ཟེར་ཡོདཔ་ཨིན། ཨྱོན་རིན་པོ་ཆེའི་རྩ་དབུ་མ་ལས་འབབ་པའི་རྩྭ་འགྲོ་བ་འདྲེན་པ་ཟེར་མི་འདི་ བཟོ་རྣམ་ ར་ཏོག་པུ་ཏ་འདྲ་བ་ ཤིང་སྨྱུག་མ་འདྲ་བ་ མེ་ཏོག་དྲིལ་བུ་འདྲ་བ་སྦེ་ཡོདཔ་ད་ རྩྭ་དེ་ཁ་ལུ་རེག་པ་ཙམ་གྱིས་དུད་འགྲོ་སེམས་ཅན་ཨིན་རུང་ངན་སོང་ལས་གྲོལ་ལོ་ཟེར་གསུངས་པའི་བཤད་སྲོལ་དང་ ལས་འཕྲོ་ཅན་གྱིས་མ་གཏོགས་མི་འཐོབ་ནི་ཨིན་པས།

ཨཿབརྒྱ་བླམ་རྡོ་རྗེ་བསྟན་འཛིན་གིས་མཛད་གནང་བའི་ ཨཿབརྒྱ་བདེ་ཆེན་ཕོ་བྲང་ངམ་པདྨ་གཡང་རྫོང་གི་གསོལ་འདེབས།
དག་པའི་ཞིང་ཕྱོགས་སྦས་ཡུལ་ཨ་བརྒྱ་ལུང་། །གནས་མཆོག་དམ་པ་བདེ་ཆེན་ཕོ་བྲང་དུ། །ཨྱོན་པདྨའི་ཞབས་ལ་གསོལ་བ་འདེབས། །ཚེ་འདིར་རིག་འཛིན་ཐོབ་པར་བྱིན་གྱིས་རློབས། །

History

The famous pilgrim site of Aaja Ney is considered a hidden sacred site. The mantra syllable ཨོྃ་ཨཱ་ཧཱུྃ་ is believed to have been hidden separately in different places. ཨོྃ་ is in Trashiyangtse as ཨོྃ་སྦ་གནས which is said to host 100 ཨོྃ་ (ཨོྃ་བརྒྱ་). ཨཱ་ in Mongar as Aaja Ney- 100 ཨཱ་ (ཨཱཿབརྒྱ་) and ཧཱུྃ་ in Mongar Sherichu as Hungja Ney (100 Hung-ཧཱུྃ་བརྒྱ་). However, whether these places have 100 om, 100 ah, or 100 hung needs to be verified. It is possible that it could also mean 100 times prostrations (ཕྱག་བརྒྱ) reciting om ah hung at these places.

Aaja Ney has situated at an elevation of 2680 masl and falls under Sherimuhung gewog, Mongar Dzongkhag. It can be reached from Yadi via Serzhong. The 18 km motorable road from Yadi ends at Serzhong. From here we have to walk for 6 hours to reach Yarab and another 5 – 6 hours to reach Aaja Ney. It is an 11 – 12 hours walk at a stretch and most people will need to halt for a night.

There are four divisions of pilgrimage in Aaja Ney: Barkor, Nangkor, Tsekor, and Ra kor or Rongkor. Taking the Zhabjethang Lhakhang (not to be confused with Zhabjethang of Bumthang Chhoekhor Toe) as the reference, to its east is Barkor, to its north is Nangkor, to its north-east is Tsekor. All the site seeing is done from the right and ends on left. Altogether it takes three days. Rakor or Rongkor can be visited while coming back from Zhabjethang Lhakhang towards Yarab by taking a separate route towards the south. However, if we are to continue towards Phunyingla and return home via Lhuentse, we have to dedicate a separate time to visit the Rongkor.

Usually, the ideal time to visit Aaja Ney is March and April (the first two months of the lunar calendar), but you can visit anytime except during the ladam (pilgrim restriction period from the 15th day of the 4th lunar month till the 15th day of the 8th lunar month). This period is the harvesting time for farmers of Sherimuhung. If people are not restricted from pilgrimage, there are risks that they will defile the clean environment and anger the deities causing untimely rain and ruining the harvest. Therefore, Ladam is a culture since times immemorial.

Aaja Ney contains intensely blessed items such as soil of liberation, which can be kneaded into life-extending pills, plant of liberation and water of liberation.

In particular, the plant that grew from Guru Rimpochhe’s wind channel (Tsa Uma) looks like a noodle at the root, has a bamboo stem and has flowers in the shape of a bell. Just kissing this plant, one can be liberated from samsara, even the animals. But this is very rare and only the most fortunate will be able to find it.

Aaja Lama Dorji Tenzin composed one prayer at Pema Yang Dzong aka Aaja Dechen Phodrang as follows:

དག་པའི་ཞིང་ཕྱོགས་སྦས་ཡུལ་ཨ་བརྒྱ་ལུང་། ། In the hidden paradise of Aaja
གནས་མཆོག་དམ་པ་བདེ་ཆེན་ཕོ་བྲང་དུ། ། Here at the supreme palace, Dechenphodrang
ཨྱོན་པདྨའི་ཞབས་ལ་གསོལ་བ་འདེབས། ། I submit at the feet of Ugyen Pema,
ཚེ་འདིར་རིག་འཛིན་ཐོབ་པར་བྱིན་གྱིས་རློབས། ། May I be blessed as your wisdom holder in this lifetime!

Photo Gallery