སྦས་ཡུལ་གླང་བྲག་གནས།
Quick Facts
| Dzongkha Name | སྦས་ཡུལ་གླང་བྲག་གནས། |
|---|---|
| Name | Baeyul Langdra Ney |
| Region | Western |
| Dzongkhag | Wangdue Phodrang |
| Gewog | Kazhi |
| Open to non-Bhutanese | Yes |
| Visiting Hours | 7.00am to 5.00pm |
| Entrance Fee | Free |
| Elevation | 2989m |
| Walking Time | one and half hour walking from parking |
| Established | 8th century |
| Main Statue / Relic | Guru Rinpoche |
| Coordinates | 27.62361900, 90.03639200 |
| Festival | No |
| Access | Travel by car from Chuzomsa. |
| Accommodation | Travel back to Chuzom or Wangduephodrang. |
| Restroom | Yes |
| Contact | Pema (Site Manager) – 17752368 |
History (Dzongkha)
སྦས་གླང་བྲག་གི་གནས།
ཆུ་འཛོམས་ས་ལས་ཡར་སྦས་གླང་བྲག་ལུ་འགྱོ་སའི་ལམ་གྱི་གཡོན་ཧོངས་སྦས་ཆུའི་སྦུག་ལུ་རྡོ་ཕུང་སྦོམ་ཅིག་ཡོད་མི་འདི་གུ་རུ་རིན་ཡོ་ཆེའི་དབུ་ཞྭ་ཨིན་ཟེར་བཤད་པའི་ཁར་ དེ་གི་འོག་ལུ་ སྦས་གླང་བྲག་གི་གནས་ཀྱི་ལྡེ་མིག་སྦ་བཞག་སྟེ་ཡོད་ཟེར་བཤདཔ་ཨིན་པས།
གནས་འོག་མིན་ཆོས་དབྱིངས་ལས་ཡར་དུས་ཡུན་སྐར་མ་༡༠ དེ་ཅིག་འགྱོཝ་ད་སྦས་གླང་བྲག་གནས་ལུ་ལྷོདཔ་ཨིན། གནས་འདི་གུ་རུ་རིན་པོ་ཆེ་དགུང་ཞག་བདུན་ཏིང་ངེ་འཛིན་ལུ་བཞུགས་སའི་གནས་རྩ་ཅན་ཅིག་ཨིན་པས། སློབ་དཔོན་ཆེན་ཡོ་གནས་དེ་ཁར་སྒྲུབ་པ་གནང་བཞུགས་པའི་སྐབས་དེ་ཁའི་གནས་ཀྱི་བདག་པོ་ལྷ་བཙན་གླང་བྲགཔ་འདི་གིས་གླང་དམར་ནག་ཅིག་སྤྲུལ་ཏེ་གནོད་པ་བཀལ་བར་འོང་བའི་སྐབས་སློབ་དཔོན་གྱིས་པད་བྱུང་རྡོ་རྗེ་གུར་ལྡན་གྱི་སྐུར་བཞེངས་ཞིནམ་ལས་བཏུལ་གནངམ་མ་ཚད་མིང་ཡང་དགེ་བསྙེན་གླང་བྲག་པ་ཟེར་བཏགས་གནང་ནུག། སློབ་དཔོན་གྱིས་གནས་དེ་ཁར་གསང་བའི་གཏེར་ལྔ་བཅུ་ཐམ་པ་སྦས་གནང་ཡོདཔའི་སྐོར་གནས་ཡིག་ནང་བཀོད་དེ་འདུག། སྦས་གླང་བྲག་གི་གཡུས་ཚན་ནང་ལས་ཨིན་མི་མཚམས་པ་དབང་རྒྱལ་གིས་ངག་རྒྱུན་བཤད་མི་ནང་མཚམས་པ་དབང་རྒྱལ་ཁོ་རའི་ཕ་མེས་ཀྱི་བསྒང་ལས་ར་གནས་འདི་གི་གདོང་ཁར་ལྷ་ཁང་ཅིག་བཞེངས་ཏེ་ཕ་རྒྱུད་བུ་རྒྱུད་སྦེ་བདག་འཛིན་འཐབ་སྟེ་ཡོད་ཟེར་བཤདཔ་ཨིན་པས།
ཨིན་རུང་བར་སྐབས་ཅིག་ལས་ལུང་བསྟན་སྤྲུལ་སྐུ་གིས་འགོ་འདྲེན་ཐོག་ལས་ཧེ་མ་གི་ལྷ་ཁང་བཤིག་སྟེ་ད་ལྟོ་ཐོག་བརྩེགས་གཉིས་འབད་མི་ཅིག་གསར་བཞེངས་གནང་ཡོདཔ་མ་ཚད་ནང་རྟེན་ཚུ་ཡང་གསར་སྒྲུབ་མཛད་དེ་བསྟན་པའི་ཞབས་ཏོག་ཞུ་བའི་བསྒང་ར་ཡོདཔ་ཨིན་ཟེར་བཤདཔ་ཨིན་པས།
ལྷ་ཁང་གི་ནང་ན་ཡོད་པའི་གནས།
ལྷ་ཁང་ནང་གི་བྱག་གི་ལོགས་ལུ་གུ་རུའི་ཕྱག་ཐམ། སྒོ་སྲུང་སྡིག་པ་རཱ་ཛ། མཐོ་རིས་ཀྱི་ལམ་ཨིན་ཟེར་མི་ཚུ་མཇལ་ནི་འདུག།
ལྷ་ཁང་གི་ཉེ་འདབས་ལུ་ཡོད་པའི་གནས།
ལྷ་ཁང་གི་གསེར་ཏོག་གི་ལྟག་ལུ་ཡོད་པའི་བྱག་གི་ལོགས་ལུ་གུ་རུའི་ཞབས་རྗེ་ཡ་གཅིག་དང་། དེ་གི་གཡོན་ཧོངས་ལུ་རལ་གྲི་གཅིག་དང་། དེ་གི་གཡོན་ཧོངས་ལུ་རྡོའི་འཆི་མེད་ཚེ་བུམ་པ་དང་། དེ་གི་འོག་ལུ་རྡོའི་དུང་དཀར་ཆ་གཅིག། དེའི་འོག་ལུ་ཚེ་བུམ་ལས་བྱོན་པའི་ཚེ་ལོ་བརྒྱ་ཐུབ་པའི་ཚེ་ཡི་ཆུ་རྒྱུན་དང་། གླང་གི་ལྕེ་ཨིན་ཟེར་མི་ཚུ་མཇལ་ནི་འདུག།
History
Diverting towards Baeyul Langdra from the main highway at Chuzomsa, to the left we see a rock in the middle of the Baechhu. This rock is not ordinary, it is considered the hat of Guru Rimpoche and it is believed that the key to open the door of the hidden land of Baeyul Langdra is being hidden beneath it.
From Ney Wogmin Chhoeying, it takes 10 minutes to reach Baeyul langdra Ney, a sacred site where Guru Rimpoche meditated for 7 days. During Guru’s meditation, the local deity turned into a maroon Ox and came to attack Guru, but Guru too turned himself into Pejung Dorji Gurden and subdued the ox, converting him into dharma protector with the name Genyen Langdrag. The guidebook to this sacred site also mentions that Guru Rimpoche hid 50 secret treasures in this holy site.
One Tshampa from the locality named Wangyel says that his ancestors constructed a temple in front of the sacred site and it has been taken care of by the family generation after generation until one Lungten Trulku took over, reconstructed and enlarged the temple with two storeys with new relics installed inside.
Inside the temple, on the face of the cliff, we see the seal of Guru Rimpoche, the image of the door guard Scorpion and a track believed to lead to heaven.
Around the temple, we see a footprint of Guru Rimpoche, a sword and a stone vase of immortality, a pair of conch, and a trace of dripping water from this vase which can extend one’s life to 100 years. We can also see the tongue of the Ox.
Photo Gallery
