ཨོརྒྱན་གུ་རུ་ལྷ་ཁང་།

Quick Facts

History (Dzongkha)

ཨོ་རྒྱན་གུ་རུ་ལྷ་ཁང་།
༉ སྤྱིར་བཏང་འབྲུག་རྒྱལ་ཁབ་དེ་ ཨོ་རྒྱན་རིན་པོ་ཆེའི་སྦས་གནས་ཁྱད་པར་ཅན་ཅིག་ཨིན་པའི་ནང་ལས་ སྤ་རོ་ལུང་གཤོང་འདི་ ཆོས་ནོར་ཟབ་གཏེར་གྱིས་གང་བའི་ལུང་གཤོང་ཅིག་ཨིན་པའི་ནང་ལས་ སྤ་རོ་སྦོང་སྡེ་སོ་ནམ་འཕྲུལ་ཆས་ལྟེ་བའི་ས་ཁོངས་ནང་ལས་ སྣུམ་འཁོར་ནང་ཀི་ལོ་མི་ཊར་༡༦ འདེ་ཅིག་གི་ས་ཁར་ མཐོང་གསལ་ཆེ་བའི་སྤོ་ཏོ་ཅིག་གུ་ སྤངམ་ཨོ་རྒྱན་གུ་རུ་ལྷ་ཁང་དེ་ ཡ་མཚན་ཆེ་ཏོག་ཏོ་སྦེ་མཇལཝ་ཨིན་མས།
དུས་རབས་༨ པའི་ནང་ སངས་རྒྱས་གཉིས་པ་ཨོ་རྒྱན་གུ་རུ་པད་མ་འབྱུང་གནས་ ས་ཁོངས་དེ་ནང་ཞབས་ཀྱིས་བཅགས་བྱིན་གྱིས་བརླབས་ཏེ་ འདྲེ་སྲིན་གདུག་པ་ཅན་ཚུ་དམ་ལུ་བཏགས་ཏེ་སྒྲུབ་པ་གནང་བཞུགས་ནུག།
དེའི་ཤུལ་མ་ གཏེར་སྟོན་ཤེས་རབ་མེ་འབར་གྱིས་ གདན་ས་ཆགས་བཏབ་གནངམ་མ་ཚད་ ཨོ་རྒྱན་རིན་པོ་ཆེའི་ལུང་བསྟན་དང་འཁྲིལ་ ནུབ་མཚོ་ནག་པ་ཏྲ་ལས་བཞེས་མི་གཏེར་ཚུ་ ལྷ་ཁང་དེ་ནང་ལུ་ ནང་རྟེན་སྦེ་བཞུགས་ཡོདཔ་ཨིནམ་ལས་ རྒྱལ་ཁབ་ནང་ལྷ་ཁང་དེ་ ག་ནི་བ་རྩ་ཆེ་ཏོག་ཏོ་སྦེ་བརྩིཝ་ཨིན།
ས་ཁོངས་དོན་ཧིང་གི་དབྱིབས་དང་འདྲའི་སྤོ་ཏོ་གུ་ལུ་བཞེངས་ཏེ་ཡོད་མི་ སྤངམ་ཨོ་རྒྱན་གུ་རུ་ལྷ་ཁང་དེ་ནང་ ཤུལ་མ་གྲུབ་ཆེན་བསྟན་འཛིན་བཟང་པོ་མཆོག་ ས་གནས་དེ་ནང་བྱོན་ཏེ་ གསང་སྔགས་ཀྱི་བསྟན་པ་དར་ཞིང་རྒྱས་ཏེ་བཞུགས་པའི་སྐབས་ དུས་རབས་༡༤ པ་ནང་ལུ་ ཧེ་མ་གི་ལྷ་ཁང་རྙིངམ་དེ་རྒྱ་བསྐྱེད་གནང་ ནང་རྟེན་ཨོ་རྒྱན་གུ་རུའི་སྐུ་འདྲ་བཞེངས་པའི་སྐབས་ལུ་ སྐུ་འདྲ་ལས་གསུང་བྱོན་ཏེ་ ཡ་མཚན་ཆེ་བའི་ལྟས་བཟངམོ་ལེ་ཤཱ་བྱུང་སྟེ་ དེ་ལས་ཚུར་ དགོན་སྡེའི་མིང་ཡང་ཨོ་རྒྱན་གུ་རུ་ལྷ་ཁང་ཟེར་ དར་ཁྱབ་སོང་བའི་ལོ་རྒྱུས་འདུག།
གཏེར་བཏོན་ཤེས་རབ་མེ་འབར་གྱིས་ནུབ་མཚོ་ནག་པ་ཏྲ་ལས་ གཏེར་ལས་བཞེས་མི་ ནོརབུ་བསམ་འཕེལ་གྱི་གཙོས་པའི་ནོར་བུའི་བྱེ་བྲག་དང་གཏེར་ཁ་མང་རབས་ཅིག་ སྤངམ་ཨོ་རྒྱན་གུ་རུ་གི་ལྷ་ཁང་ནང་ ནང་རྟེན་སྦེ་བཞུགས་ཏེ་ཡོདཔ་མ་ཚད་ སྐྱབས་རྗེ་ རྗེ་མཁན་རིན་པོ་ཆེ་སྤྲུལ་སྐུ་འཇིགས་མེད་ཆོས་གྲགས་མཆོག་དང་ མི་དབང་རྒྱལ་ཡུམ་ཨ་ཞེ་རྡོ་རྗེ་དབང་མོ་དབང་ཕྱུག་མཆོག་གིས་བཀའ་སློབ་དང་བསྟུན་ སློབ་གྲྭ་ཅིག་གཞི་བཙུགས་མཛད་གནང་ནུག།
དེ་གིས་མ་ཚད་ལྷ་ཁང་དེ་ ཧེ་མ་སྤྱི་ལོ་༢༠༡༡ ས་ཡོམ་ལས་བརྟེན་ལྷ་ཁང་ལུ་གནོད་སྐྱོན་སྦོམ་རྐྱབ་ཡོདཔ་ལས་ སྤྱི་ལོ་༢༠༡༥ ལོར་ ལྷ་ཁང་སླར་བཞེངས་ཀྱི་ལས་སྣ་འགོ་བཙུགས་ཏེ་ ལོ་ངོ་གཉིས་ཀྱི་རིན་ལུ་ལྷ་ཁང་ཕྱི་ནང་ག་ར་གྲུབ་ཚར་དེ་ཡོདཔ་ཨིན་པས།
ལྷ་ཁང་དེ་ཐོག་ཚད་གཉིས་ཡོདཔ་དང་ ལྷ་ཁང་ཐོག་དང་པ་ནང་ གུ་རུ་གསུང་བྱོནམ་དང་ གྲུབ་ཆེན་བསྟན་འཛིན་བཟང་པོ་གི་སྐུ་འདྲ་དང་ ལྷ་ཁང་ཐོ་གོང་མ་ནང་ གཏེར་སྟོན་ཤེས་རབ་མེ་འབར་གྱི་སྐུ་འདྲ་དང་གཞན་བྱིན་ཅན་གྱི་རྟེན་ཚུ་མཇལ་ནི་ཡོད།

History

UGYEN GURU LHAKHANG
Ugyen Guru Lhakhang is located on the promontory of hill above Bondey in Paro; it is situated at a distance of about 16 km drive uphill from the Agriculture Machinery Centre (AMC) at Bondey.

Guru Rinpoche had visited the site where now stands the temple in the 8th Century; there, he subdued the malicious demon and meditated for some days. Terton Sherab Mebar, later on, constructed a temple on the site and installed as its inner relics, all treasures that he had revealed from the Nub Tshonag Pata Lake.

Later on, Drupthob Tenzin Zangpo took charge of this temple and he had not only flourished the Tantrayana teachings there but also expanded the temple further. One day, while he was erecting the statue of Guru Rinpoche, the statue is said to have spoken to him and moreover, he had witnessed many miraculous incidences; from then on the temple came to be known as Ugyen Guru Lhakhang, named after the statue.

The Ugyen Guru Lhakhang was converted into a monastic school following the advice of the Je Khenpo Trulku Jigme Choedra and Her Majesty the queen mother Ashi Dorji Wangmo Wangchuck.

The 2011 earthquake had impacted the temple quite badly that it was reconstructed in 2015; and the restoration work took two complete years. It was restored to a two storied temple: in the ground floor temple, among many others, the main image is the statue of speaking Guru as it is locally known; in the temple on the first floor, the main image is the statue of Terton Sherab Mebar.

At present, there are 16 novice monks studying there under the guidance of ex-neten Lam Singye Rinchen, who is also in-charge of the overall care of the temple.

Photo Gallery