ཆོས་བྲག་དགོན་པ།

Quick Facts

History (Dzongkha)

ཆུ་སྨད་རྒེད་འོག་ལུ་ཡོད་མི་ ཆོས་རྗེ་བྲག་གི་གནས་འདི་ ཧེ་མ་ཨྱོན་གུ་རུ་རིན་པོ་ཆེ་གིས་ རྫུ་འཕྲུལ་དང་སྐུ་དངོས་ཀྱིས་འབྲུག་ཡུལ་འདི་ནང་བྱོན་ཏེ་ གངས་དང་མཚོ་བྲག་ལ་སོགས་པའི་ ས་ཆ་རྟ་རྨིག་ཙམ་རང་མ་ལུས་པར་ ཞབས་ཀྱིས་བཅགས། ཆོས་ནོར་ཚད་མེདཔ་ཅིག་ གཏེར་ལུ་སྦས་ཏེ་བྱིན་གྱིས་བརླབས་གནང་ཡོདཔ་བཞིན་དུ་ ཆོས་རྗེ་བྲག་འདི་ཡང་བུམ་ཐང་མངའ་ཁུལ་གྱི་ཕྱོགས་བཞིའི་བྲག་གི་གནས་ཆེན་ཚུ་གི་གྲས་ལས་གཅིག་ཨིན། དེ་ཡང་བྲག་རི་འདི་ཕྱི་ལྟར་ཆོས་ཀྱི་གླེགས་བམ་བརྩིགས་པ་དང་ ནང་ལྟར་ཆོས་གོས་དཔྱངསམ་བཟུམ་སྦེ་ཡོདཔ་ལས་ ཆོས་བྲག་ཟེར་བའི་རྒྱུ་མཚན་དང་བཤད་སྲོལ་གཅིག་ལས་ ཆོས་རྗེ་ལོ་རས་པའི་གདན་ས་འབད་ནི་འདི་གིས་ཡང་ཆོས་རྗེ་བྲག་ཟེར་ཞུ་དོ་ཡོདཔ་ཨིན། གུ་རུ་སྐུ་དངོས་བཞུགས་པའི་བཞུགས་ཁྲི་དང་ ནང་ལུ་གཏེར་ཁ་༢༢ སྦས་ཏེ་ཡོད་པའི་སྒོའི་འགྲམ་ལས་ ལས་ཅན་ཚུ་གི་ངོ་ལུ་གནས་སྒོ་ཕྱེ་སྟེ་སྦས་ཡུལ་སྦེ་མཇལ་བའི་ལོ་རྒྱུས་ཚུ་ཡང་ རྒན་རབས་ཚུ་གིས་བཤད་སྲོལ་ཡོད་པའི་ལོ་རྒྱུས་འདུག།

གནས་འདི་ལུ་ དུས་རབས་༡༢ པའི་ནང་ དཔལ་ལྡན་འབྲུག་པའི་བསྟན་པའི་ཆུ་འགོ་ ཆོས་རྗེ་འགྲོ་བའི་མགོན་པོ་གཙང་པ་རྒྱ་རས་ཡེ་ཤེས་རྡོ་རྗེ་དང་ དབོན་རས་དརྨ་སེངྒེའི་སློབ་མའི་ ཐུ་བོ་རྒྱལ་བ་ལོ་རས་པ་གྲགས་པ་དབང་ཕྱུག་(༡༡༧༥-༡༢༥༠)གིས་གནས་འདི་ཁར་བྱོན་ཏེ་ སྒྲུབ་པ་མཛད་དེ་ སྒྲུབ་པ་མཐར་ཕྱིནམ་ལས་ སྒྲུབ་པའི་སྡེ་ ལེ་ཤ་ཅིག་བྱུང་སྟེ་ འབྲུག་པ་བཀའ་བརྒྱུད་པའི་ གྲུབ་ཐོབ་ཀྱི་ཚང་བརྡོལ་བའི་གནས་ལུ་གྱུརཝ་ལས་ ཆོས་རྗེ་བྲག་ཟེར་དར་ཁྱབ་བྱུང་བའི་ཁུངས་དེ་ལས་བརྟེན་ཨིན་མས།

ཆོས་བྲག་དགོན་པ་དེ་ ཧེ་མ་འབད་བ་ཅིན་ གཞུང་སྤུངས་ཐང་གྲྭ་ཚང་གིས་བདག་འཛིན་མཛད་དེ་ ཆོས་བྲག་བླམ་ཟེར་བླ་ཆེན་བཞི་གི་གྲས་ལས་གཅིག་ ཆོས་བྲག་བླམ་ཨིན་མས། ཨིན་རུང་བར་སྐབས་ཅིག་ལས་ ཆོས་བྲག་བླམ་འདི་ཀྲོང་གསར་གྲྭ་ཚང་གིས་བསྐོས་ཆོག་པའི་དབང་ཆ་གནངམ་ལས་བརྟེན་ ད་ལྟོའི་བར་ཡང་ཆོས་བྲག་དགོན་པའི་བདག་འཛིན་དང་བླམ་བསྐོ་བཞག་གི་ཕྱག་འགན་ཚུ་ཀྲོང་གསར་གྲྭ་ཚང་གིས་མཛད་བཞིན་དུ་འདུག།

ཆོས་རྗེ་བྲག་གི་གནས་འདི་ ཧེ་མ་ཨྱོན་གུ་རུ་རིན་པོ་ཆེ་གིས་ རྫུ་འཕྲུལ་དང་སྐུ་དངོས་ཀྱིས་ འབྲུག་ཡུལ་འདི་ནང་བྱོན་ཏེ་ གངས་དང་མཚོ་བྲག་ལ་སོགས་པའི་ ས་ཆ་རྟ་མིག་ཙམ་རང་མ་ལུས་པར་ ཞབས་ཀྱིས་བཅགས། ཆོས་ནོར་ཚད་མེནཔ་ཅིག་ གཏེར་ལུ་སྦས་ཏེ་ བྱིན་གྱི་རླབས་གནང་པའི་གནས་ཆེན་ཨིནམ་མ་ཚན་ བུམ་ཐང་མངའ་ཁུལ་ལུ་ཡོད་པའི་བྲག་ཆེན་བཞིའི་གྲལ་ལས་ཅིག་ཨིན། དེ་ལས་ དུས་རབ་༡༢ པའི་ན་ འགྲོ་མགོན་གཙང་པ་རྒྱས་རས་དང་དབོན་རས་དརྨ་སེངྒེ་གི་སློབ་མ་ ཐེ་བོ་རྒྱལ་བ་ལོ་རས་པ་གྲགས་པ་དབང་ཕྱུག་ གནས་འདི་ཁར་བྱོན་ཏེ་ སྒྲུབ་པ་མཐར་ཕྱིན་ཐོབ་པའི་གནས་ཨིན།

History

Bhutan is a country visited by Guru Rimpoche in person and through his supernatural power and there is no place in this country left without his visit and blessings. He left many religious treasures hidden in the mountains, cliffs, oceans, lakes, rocks, etc.
Choe Drak in Bumthang Chumey is one of the sacred sites of Guru and belongs to the group of 4 cliffs (draks). Its exterior looks like a pile of religious texts. Inside, hanging objects are looking like religious items. Based on this, it is called Choe Drak.

Another version says that Choeje Lorepa made this cave as his religious seat, thus, earning the name Choeje Drak.

There is a throne where Guru sat. There are 22 different treasures inside. There are stories shared by elders that doors used to get opened to the fortunate ones who could get inside and see the treasures.
In the 12th century, Gyelwa Lorepa Drakpa Wangchuk (1175-1250), a disciple of Tsangpa Jarey Yeshi Dorji and Dharma Sangay Onrey meditated in this cave and became accomplished becoming the centre from where many other accomplished Drukpa masters originated. Therefore, the site came to be known as Choeje Drak.

Choeje Drak was under the administration of Punakha Dratshang and appointed a Lam with the title Choedrak Lam. Choedrak Lam is one of the four Principal Lams. However, today it is being looked after by Trongsa Dratshang and Choedrak Lam is also appointed from Trongsa Dratshang.

Photo Gallery